INSTRUMENTUAK MATERIAL BIRZIKLATUEKIN

2014/12/21

Kaixo lagunak!

Aurreko sarreran komentatu nuen ideia ona izango zela musika instrumentu desberdinak sortzeko material birziklatua erabiltzea. Beraz, gaur honetan sakonduko dut.

-Marakak egiteko behar diren materialak: egunkari papera, kola zuria urarekin nahastuta, kartoia, dilistak, puxika txikia eta margo akrilikoa.

1. Puxika pustu
2. Kola ta urarekin estali
3. Sikatzean prozesua errepikatu eta barruko puxika atera
4. Kartoiarekin marakaren euste-puntua (makila) egin eta puxikaren prozesua errepikatu
5. Maraka bitan zatitu eta dilistak barruan sartu
6. Makila marakaren behean jarri eta berriro paperarekin kolatu
7. Gure gustura apaindu

-Danborrak egiteko behar diren materialak: melokotoizko potea (almibarren), latexko eskularruak, makila eta zinta isolatzailea.

1. Latexko eskularruak moztu eta kokatu potearen goikaldean
2. Zinta isolatzailearekin  itsatsi

-Kitarra bat egiteko behar diren materialak: kartoizko kutxa, kartoizko 2 tubo, trasteak egiteko plastikozko pieza txikiak, apaintzeko makilak eta goma elastikoak.

1. Kutxari zulo bat egin (zirkunferentzia)
2. Kutxaren goikaldean zulo bat egin kartoizko tuboaren diametro berdinarekin (kitarra eusteko)
3. Kartoizko tuboa bere zulotik sartu
4. Goma elastikoak alde batetik bestera itsatsi eta plastikozko pieza txikiekin eutsi
5. Plastikozko piezak kitarraren mangoan jarri trasteak egiteko

Hauek izan dira nik aipatu ditudan ideia batzuk bakarrik, baina instrumentu asko egin daitezke etxean erabiltzen ez ditugun materialekin, beraz, animatu zaitezte instrumentuak egitera material birziklatuekin eta musikatu ezazue!:)

BIDEOKLIPA

2014/12/18

Egun on, musikariak!

Baliteke haurrek klaseko klaseko errutina berdinei buruz aspertuta egotea. Gainera, gabonetako oporrak datoz eta zerbait berezia egin behar dugu gure Euskal Herriko eskoletan. Beraz, nik gaur proposatzen dudana bideoklip bat egitea da.

Helburu didaktiko jakin batzuk jorratuko dira: musikako zeinu eta erritmo desberdinak ezagutzea, taldean egoten jakitea, eskulanetan trebezia garatzeko instrumentu desberdinak sortzea material birziklatua erabiliz, teknologia berrien mundua ezagutzea bideokliparen bitartez eta sormena bultzatzeko gorputz adierazpena lantzea mugimendu librearen bitartez.

Gure bideoklipa gauzatzeko behar ditugun materialak ondorengoak dira: ordenagailua (bertatik abestia jarri), material birziklatua (yogurt poteak, dilistak...), lan egiteko tresnak (guraizeekin kontu handiz ibili behar dugu), eta bideokamera.

Esan beharra dago, nahi duten guztiak parte hartu ahal dezaketela, baina, nire bloga Haur Hezkuntzako umeentzako bideratuta dagoenez, ahalik eta sinpleen egitea komenigarria da.

Hona hemen "BIRAKA! bideoklipa", 2014ko Bidania-Goiazko Eskola Txikietako abestia da eta hau bere bideoklipa. Bideoklipa ikusteko, klikatu "BIRAKA! bideoklipa" link-an.

BIRAKA! bideoklipa

MUSIKA INSTRUMENTUAK

2014/11/24

Arratsalde on!

Konturatu zarete haurrei zenbat gustatzen zaien instrumentu musikalekin aritzea? Txiki-txikitatik musika haurren jarduerarik gogokoena da. Musikak seguritate emozionala, konfidantza eta lasaitasuna eskaintzen die, beste abantaila batzuez gain.

Haurrak musika-instrumentu bat jotzeko adinik egokiena bost urte da. Ikaskuntza ez da gurasoengandik inposatuta egon behar, hautaketa askea izan behar da, haurrak beraren zaletasunak ondo garatu ditzan. Beraz, haurrak ze instrumentu jo nahi duen aukeratu izan beharko du. Hala ere, pianoa eta txirula instrumenturik errezenak dira, ez baitute haurraregandik gehiegi eskatzen.

2-5 urte bitarteko haurrentzat, motrizitate baxua eta kontzentratzeko zailtasunak dituztenentzat, instrumentu errezak eta melodia sinpleak dituztenak ezin hobeak dira. Esate baterako:

-Xilofonoak













-Piano txikiak













-Danborrak

Dena den, instrumentu asko daude, adibidez, txirulak haurrari bere arnasa kontrolatzen laguntzen dio eta bateria, ordea, soinuekin jolasteko eta esperimentatzeko balio du.

Beraz, musikari esker, klaseak eramangarriak egiten dira ikasten eta jolasten ari diren bitartean, eta ez derrigorrezkoa izanik.

IPUIN MUSIKALAK

2014/11/16

Kaixo koadrilla! Haurrei gehien gustatzen zaiena musika bai eta ipuinak entzutea da, beraz, ezetz asmatu zein izango den gaurko gaia... Ipuin musikalei buruz arituko gara!

Zer dira ipuin musikalak? Modu laburrean azaltzeko, musika ikasteko ipuinak dira. Ipuinaren bitartez, musikari buruzko edukiak azaltzen diegu haurrei, modurik sinplenean eta dibertigarrienean.

Ipuin musikal asko daude, hona hemen ipuin batzuk:

-"Bremengo musikariak"

-"Sofia, musika maite zuen behia"

Espero dut ipuinekin eta musikarekin gozatu izana.

Eskerrik asko eta beste baterarte!

HAUR HEZKUNTZAKO PROIEKTUAK

2014/11/09

Egun on musikariak! Gaur Haur Hezkuntzako klaseetan jorratzen den metodoei edo proiektuei buruz arituko gara.

Proiektuaren eta ikastetxearen arabera, jarduerak eta abestiak desberdinak izango dira.

Izan ere, eskola bakoitzak metodo edo proiektu bat jarraitzen du eta horretan oinarritzen dira.

Adibidez, Euskal Herriko eskolen artean Urtxintxa Proiektua ezagunetarikoa da, Elkar Argitaletxeak zuzendua. Egia esan, Urtxintxa Proiektua Haur Hezkuntzako 3-6 ziklorako ikasmateriala da. Proiektu honek haurra bere osotasunean ulertzen du, zentzu guztietan, bai eta haurraren gaitasunetan sinistu ere. Hau da, ikasleen gaitasunak kontuan hartzen ditu, partaidetza aktiboa bilatzen du, balioen eta jarreren hezkuntzarekin konprometitua dago, erdaldunak zein euskaldunak diren haurrak euskaraz hezteko proposamena du...

Arestian aipatu dudan bezala, 3-6 ziklorako ikasmateriala da eta hona hemen 5 urteko haurrentzat Urtxintxak eskaintzen dieten materiala:

Ikusi dezakezuenez, ikasleentzako zein irakasleentzako materiala dago.

5 urteko haurren maskota "Xango matxinsaltoa" da eta bere abestiekin eta jolasekin batera dator. Hori gutxi balitz, hiru hiruhilabeteetan 10 gai ikasten dituzte, ipuinez, ariketez, jolasez eta abestiz beterik.

Gaurkoz hauxe da dena, espero dut baliagarria izatea.

Eskerrik asko!

MUSIKAREN BEHARRA HAUR HEZKUNTZAN

2014/10/20

Kaixo guztioi! Konturatu zarete ze garrantzitsua den musika Haur Hezkuntzan? Musikoterapia ezinbestekoa da euren garapenerako, oso lagungarria baita hitz egiten ikasteko, entzumena hobetzeko eta garapen intelektuala eta sentsoriala lantzeko.

Abestiak gorputz hezkuntza lantzeko ere ezinbestekoak dira, haurrek haien erritmoa eta koordinazioa lantzen baitute.

Askok eta askok musikak pertsonak elkartzen dituela diote eta ez hori bakarrik, musikak segurtasun emozionala, barreak eta algarak ematen dizkigula, bai eta momenturik latzenetan irribarre bat ateratzeko kapazak gara musikari esker. Horrez gain, era askotariko musika dagoenez, jakin behar da momentuaren arabera ze musika entzutea komeni zaien haurrei, esate baterako, txokoetan lan egin beharrean aztoratuta badabiltza, musika lasai entzutea komeni da. 

Gehigarri moduan, web orrialde polit hau jarriko dizuet: http://www.aprendomusica.com/swf/005_esp_notasFlautaFacil.htm

Honek haurrei txirula jotzen ikasten lagunduko die, bai eta noten soinuak ezagutuko dute.

Espero dut nire blogarekin gozatzea, musikatzea posible delako! ;) 
Milesker.